Mae tîm marchnata PTI Cymru, sydd wedi ennill gwobrau am ei waith, yn darparu cymorth effeithiol ac integredig ym maes marchnata i’n cleientiaid gan gynllunio a chreu gweithgarwch sy’n arwain at ganlyniadau y gellir eu mesur.
Mae tîm marchnata PTI Cymru, sydd wedi ennill gwobrau am ei waith, yn darparu cymorth effeithiol ac integredig ym maes marchnata i’n cleientiaid gan gynllunio a chreu gweithgarwch sy’n arwain at ganlyniadau y gellir eu mesur.
Mae ein tîm marchnata, yn swyddfa PTI Cymru yng Nghaerdydd, yn helpu cleientiaid i wella’r graddau y maent yn ymgysylltu â’u cwsmeriaid ar-lein ac fel arall ac yn eu helpu i feithrin presenoldeb digidol cryfach. Rydym yn cydweithio â’n cleientiaid i hybu eu strategaethau marchnata presennol mewn modd sy’n bodloni eu gofynion orau, gan gynnig cyngor proffesiynol a chymorth ymarferol.
Mae PTI Cymru yn cynnig lefelau amrywiol o gymorth marchnata i’w gleientiaid, yn dibynnu ar eu hanghenion a’u nodau strategol cyffredinol. Felly, rydym yn croesawu ceisiadau am gymorth marchnata unswydd ac am bartneriaethau tymor hwy, lle gallwn gynnig ein gwasanaeth rheoli marchnata a’n gwasanaeth cynghori ynghylch marchnata.
Mae ein gwasanaethau marchnata’n cynnwys y canlynol ymhlith eraill:
Gan mai PTI Cymru sy’n gyfrifol am gyflwyno brand Traveline Cymru, mae gan ein tîm reolaeth lawn ar wasanaethau marchnata Traveline Cymru hefyd. Mae’r gwaith hwnnw’n cynnwys creu a chyhoeddi cynnwys ar y wefan ac ar gyfryngau cymdeithasol, gweithredu ymgyrchoedd ar-lein a thrwy ddulliau eraill, ateb ymholiadau cwsmeriaid a mynychu digwyddiadau hyrwyddo. Mae’r gwasanaeth yr ydym yn ei ddarparu ar ran Traveline Cymru yn unigryw, ond mae ein tîm marchnata yn croesawu ymholiadau gan ddarpar gleientiaid ynghylch y gwasanaethau hyn.
Gallwn deilwra ein gwasanaethau i gyd-fynd â’ch meini prawf, a chynnig pecyn o wasanaethau wedi’u teilwra. Ewch i’n tudalen gwasanaethau i gael gwybod mwy a chysylltwch â ni yma i gael gwybod beth y gallwn ei wneud i gynorthwyo eich sefydliad chi.